काठमाडौं । नेपाली बजारमा एक्सएजले नयाँ इयरबड ल्याएको छ । कम्पनीले बुधबार ‘सेरेन एक्सओज वन’ (ConvE Serene xows1) मोडेलको इयरबड सार्वजनिक गरेको हो ।

ओपन इयर डिजाइनमा तयार भएको यो इयरबडमा ७० एमएएचको ब्याट्री दिइएको छ, जसबाट २८ घण्टासम्म इयरबड चल्ने कम्पनीको भनाइ छ । ​इयरबडको चार्जिङ केसमा ४५० एमएएचको ब्याट्री दिइएको छ ।

इयरबडलाई टाइप-सी चार्जरमार्फत डेढ घण्टामा नै फुल चार्ज गर्न सकिने छ । ब्लुटुथ भर्सन ५.३ मा आधारित इयरबडले १० मिटरसम्मको रेन्ज दिने कम्पनीले उल्लेख गरेकाे छ । 

अधिकतम भोल्युममा राखेर लगातार गीत सुन्दा ६ घण्टा र अधिकतम भोल्युममा कल गर्दा ५ घण्टासम्म लगातार प्रयोग गर्न सकिने कम्पनीले जनाएकाे छ । 
 

इयरबडमा प्रयोग गरिएको स्मार्ट टच कन्ट्रोल प्रविधि प्रयोग गरेर टच गरेकै भरमा इयरबडमार्फत फोन उठाउन/राख्न, कल रिजेक्ट गर्न, गीत प्ले तथा पज गर्न, भोल्युम बढाउन तथा घटाउन सकिन्छ ।

यसका साथै एन्ड्रोइड र आईफोन दुवैको भ्वाइस एसिस्टेन्ट पनि प्रयोग गर्न सकिने छ ।

कम्पनीले यस इयरबडको मूल्य पाँच हजार ६९९ रुपैयाँ तोकेको छ । तर लन्च अफर अन्तर्गत तपाईंले दुई हजार ४९९ अर्थात् ५६ प्रतिशतभन्दा बढी छुटमा दराजमार्फत खरिद गर्न सक्नुहुन्छ ।